الحلقه الثامنه من قصه خالد وسيفيدا

كتبت د /أمل عبد العزيز
صاحبه القلم السعيد

مساء الخير أو صباح الخير علي حسب أنتوا بتسمعوني منين وامتي

🔴 بعد ما سيفيدا لغت كتير علي صفحتها وكذلك خالد وزود خالد انه لغي لايك قديم لسيفيدا وكل ده طبعا أثاره جدل وبلبله ولفت انتباه للطبخه اللي جايه قدام وياعيني انتم ماكنتوش فاهمين الفخ اللي بيحضرلكم

🔴 صحيتوا في يوم من الايام لقيتوا شخص من الصحافه المصديه مشير بوست وبيقول خالد مسافر دبي يستجم شويه بعدها شير خبر تاني بيقول استنوني هطلع لايف عندي خبر مهم جه اللايف وياريته ماجه ولا المصديه طلعت
ال ايه خالد وسيفيدا اتطلقوا إمبارح الخميس يالهووووووي
ليه يا ابلتي🤔 المصديه قالتلك علشان البت سيفيدا خانت خالد مع الفريدوا وكانت خانته قبل كده مع بطل العمل اللي هي في دلوقتي بس خالد سامحها

يالهوي يالهوي طبعا اللايف اتقلب محزنه واسئله لاحصر لها ازاي وفين وامتي وليه وطبعا الكذب شغال الله ينور كذب كذب يعني فاخر من الاخر

🔴 خانت خالد وخالد اتصدم وسيفيدا صممت علي الطلاق وخالد كان قاعد بيتحايل عليها وشويه و هيعيط ياعيني علشان سيفيدا الخاينه اليع مصممه علي الطلاق

🔴 وال ايه في الاخر خالد استسلم وطلق سيفيدا يوم الخميس وسبحان الله العلي العظيم قام الجمعة الصبح سافر دبي علشان يغير جو من هول الصدمه😂😂😂😂😂

🔴 طب يا حاجه يامصديه نتأكد ازاي طيب ان الكلام ده صح
تقولك خالد بنفسه هيطلع معايا لايف ويقولكم بنفسه ذات نفسه وكل واحد حر في نفسه انه طلق سيفيدا علشان هي يع وخاينه
وال ايه خدوا بالكم كده من الحته اللي جايه دي ال ايه اتصل بيا وقالي قولي خبر الطلاق للفانز لحد ما افوق من هول الصدمه 😂😂😂😂😂😂

🔴 وزادت الطينه بله وكملت وقالت ان سيفيدا اتخانقت مع اهلها وكلهم زعلانين منها ودلوقتي راحت تعيش مع حبيبها الجديد في فندق و بيطبخوا بيتزا في مطبخ الفندق نفسه علشان اوض الفندق مفيهوش مطبخ 😂😂😂😂😂

🔴 وشويه تقول الواد العشيق الجديد لسيفيدا في رحلة علي الشاطئ مع بعضيشهم وتشير الصور المتداوله في كل الصحف الصفراء القذره اللي كانت بتشير في الوقت ده واي صوره تنزل للعشاق تشيرها علي طول وترقص وتغني وتشجع العلاقه اللي هي بنفسها وصلتها للجمهور علي انها علاقه خيانه وانهم عايشين مع بعض بدون زواج 😡😡😡😡

🔴 ولا همها ان دي متاجره بسمعه وشرف بنت ولا همها إنها لما تشير صور لبنت حتي علي البحر ومع شخص بلبس البحر ده إثم وضد الدين وإن كده بتأكد علي علاقه الخيانه و تشويهه سمعه،ولا اي حاجه من دي كانت في دماغ الصحافات الفاشله المصديه الصفراء غير انها تكون لها السبق الصحفي في نشر الفضيحه والمشاركة في تشويهه سمعه بنت

🔴 علي الجانب الاخر بقي كان في ملاكين نزلوا من السما للفانز علشان يوضحوا الحقيقة اول باول وزاد إصرارهم اكتر واكتر خصوصا بعد وفاه بنت اثناء اللايف المشؤم لما سمعت خبر الطلاق

🔴 وآحده إسمها لوليتا العفريته الملقبه بلقب معلمة كيداهم
والتانيه ربنا يجعل كلامنا خفيف عليها الفراوله علي مانجا اللي عرفنا انها مخاويه واسمها الشيخة سمسمه الملقبه بلقب نوسه زمايكا 😂😂😂

🔴 الاتنين دول كانهم نزلوا من السما علي دماغ الصحافات المصديه كانهم عملهم الاسود 😂 وابتدت اللعبه المصديين ينشروا خبر او استوري من هنا تطلع كيداهم تكتب الحقيقة وبالمستندات

🔴 ومن ناحيه تانيه تطلع الشيخة المباركة نوسه زمايكا وتقول كلام كيداهم صح الصح وتنزيد عليهم الاخبار اللي هتحصل بكره بالتفصيل وفعلا الفانز يصحي بكره يلاقي كل اللي نوسه قالته بيتحقق

🔴 فيطلعوا المصديين يكدبوا الكلام ويكدبوا كدبه تانيه عكس الكدبه بتاعتهم الاولانيه 😂😂😂 تروح طالعه كيداهم وتكتب وتقارن بين الكدبتين وتطلع الحقيقه وبالمستندات ومن ناحيه تانيه تطلع الشيخة نوسه وتكدب الكذبه بتاعت المصديين باخبار لسه هتنزل بعد يومين وبعد يومين نلاقي كل الاخبار اللي قالتها الشيخة نوسه بتتحقق و المصديين عمالين يكلوا في نفسهم ويخترعوا كدبه جديده يكدبوا بيها صدق كيداهم ونوسه

🔴 ومره علي مره لما لقوا نفسهم مش عارفين يسلكوا من جوز الملايكه كيداهم ونوسه بقوا يعملوا حركه غبيه زي وشهم
يشوفوا كيداهم كتبت ايه ومعلومات جديده طازه محدش عارفها ولا شيرها قبل كده حتي صحافه تركيا نفسها مشيرتهاش ويطلعوا الصحافه المصديه تكتب ايه بقي
انا لما قولتلكم كذا وكذا انا اول وآحده قولت ودلوقتي اخباري بتتسرق 😂😂😂😂😂

🔴 كيداهم عرفت تسكت قسما بالله ما قدرنا عليها بقت تكتب الخبر بالتاريخ ولما يحصل تنزله تاني بتاريخ اليوم اللي اتكتب في 😂😂

🔴 راحت الصحافه المصديه جابت اخرها من كيداهم وفي يوم كانت الشيخة نوسه طالعه لايف وبتتكلم بتشرح للفانز الخقيقه اوووووم ايييييييه تدخل الصحافه المصديه في قلب اللايف وتفرش الملايه في التعليقات وتردح لكيداهم وتقولها أنا صحفيه غضب عنك وعندي جرنال محترم ومتسجل من وزاره العفاريت الزرق وانتي متسويش حاجه وانتي لا صحفيه ولا بتنجان انا الصحفيه وانتي لا وانا هوريكي ازاي تكدبي اخباري يا نسنج 😂😂😂😂😂

🔴 طبعا كيداهم كانت في اللايف وشايفه كل الكلام اللي بيتقال عليها وفطسانه علي روحها من الضحك

🔴 وفي نفس الوقت الشيخة نوسه هبت في المصديه و وقفتها عند حدها

🔴 وفي نفس ذات اللحظة برضو الفانز المحترم هاجم الصحافه المصديه ودافع عن كيداهم

🔴 يعني بالبلدي كده الحفرة اللي حغرتها المصديه لكيداهم وقعت هي فيها😂😂😂😂😂

🔴 طبعا الصحافه المصديه اتجننت اكتر مما كانت عليه راحت لمت الملايه وطالعه من التعليقات من عند الشيخة نوسه وراحت عامله لايف وفرشت ملايات البيت كله وقعدت تتبلي علي كيداهم وتشوهه سمعتها

🔴 وتقول الاتي

1/ دي كانت شغاله عندي وانا طردها من الجرنال

🩸الحقيقة /ان كيداهم كانت بتكتب في الجرنال مساعده ليها من غير ولا مليم وقومت الجرنال وكانت مقالات كيداهم هي السبب ان تكون الجرنال ترند وكانت اكتر نسبه مشاهده في الجرنال وبرضو من غير ولا مليم 😂ادي اول كذبه

2/ ان كيداهم مش بتعرف تكتب وكانت بتسرق مقالات وتكتبها باسمها 😂

🩸الحقيقة / وآحده من الفانز ردت عليها وقالتلها بالضبط كده إنك لو فعلا صحفيه محترفه مش من الصحافه المصديه ماكنتيش قولتي كلام الجاهل ده وكنتي عرفتي ان في فرق بين الخبر والخبر الحصري
الخبر لما بينزل كل الصحف لازم تكتب عنه بس بطريقتها او ممكن تاخده زي ما هي يعني ممكن تلاقي خبر واحد في مليون جرنال يبقي المليون صحفي حراميه 😂😂😂😂😂😂؟
يعني لما كنتي بتشيري اخبار سيفيدا وتشيري صور ها بلبس البحر اللي كل المجلات كانت بتشيرها كنتي حراميه مقالات😂😂😂😂😂😂😂
🩸وحاجه كمان معلومه من فانز تانيه قالت/ ان الخبر لو اتكتب في اي مكان او جريده اوحتي مجله و اتكتب في مجله او موقع تاني جوجل بيشوف التاريخ والساعه ويقارن بين الخبرين ويشوف الخبر اتشير فين الاول و بتحذفه من المجلة التانيه اللي شيرت الخبر وده اللي بيتقال عليه حقوق النشر وادي تاني كذبه وافتري😂👏

3/ وآحده من الفانز المحترم ردت برضو دفاعا علي كيداهم وقالتلها بالضبط وبالحرف /حكايه إنك طردتيها من الجنه
بتاعتك ولونها مش بتاعتك بس يالاه نعديها
الحقيقة / كيداهم لما حست انك بصورم ومتغيره ووشك الاسود بان هي اللي رفضت تكتب في الجرنال وعملت موقع لنفسها ومجلة وبدات تكتب كل الاخبار الحصري بفضل الله و كيداهم هي اللي قفلت الباب في وشك وخلت كل مجهودها اللي كان بينجح بيه غيرها علي قفاه لنفسها 😉 والكل عارف كده والدليل ان بعد ما لفقتي كل التهم دي لكيداهم الفانز قلب عليكي وعملك إلغاء متابعه وبدأ يتابع كيداهم ويقارن الكلام اللي انتي قولتيه وبكلام وطريقه ومعلومات كيداهم لحد ما ظهرت نزاهه كيداهم واحترامها للمهنه ونفسها وعقل ونفسيه البنات اللي بيتبعوها مع الاحتفاظ بقيمها الحفاظ علي عدم نشر اي صوره غير لائقه

🔴 بعد كده بدأت فعلا العشاق المزيفين يظهروا مع بعض في حفلات ومطبخ فندق وسهرات وصور مستفزه وطبعا انتم كفانز كنتوا مضروبين علي دماغكم من صدمه الصحافه المصديه وكذبها فمكتنتوش من السهل أبدا تصدقوا اي صحافه تانيه او اي خبر يتقال او يتشير ويطلع عكسه

🔴 وبظهور الصور والفيديوهات دي بدأ يتولد حاله من الصراع النفسي وأنكم مش عارفين تصدقوا مين وتكدبوا مين
ولكن علشان ربنا بيحبكم يا فانز خالد وسيفيدا وعارف ان حبكم للثنائئ فعلا من قلبكم قوي عزيمه واصرار اتحاد كيداهم مع الشيخة نوسه والهمهم الصبر رغم كل الانتقادات والسب والتشهير بسمعتهم التشكيك في معلوماتهم انهم يفضلوا مكملين ومستمرين علي اظهار الحقيقة و القضاء علي الكذب و الاشاعات وتشويهه السمعه

🔴 وشويه شويه بداتم تفهموا اللي ببحصل وبقي عندكم ثبات انفاعلي ضد اي حاجه بتطلع لان طبعا الشيخة نوسه كانت بتبقي منبهاكم من الاول بيه

🔴 وفضلت معاكم لحد ما فهمتوا الحكايه من طقطق لسلاموا عليكم و الطبخه بااااظت علي دماغ الكل 😂😂😂😂

🔴 الحقيقة في معلومات كتيييييير عاوز لسه اقولها زي مثلا تهديدات جت لكيداهم والشيخ نوسه بقفل الاكونتات واللجوء للقضاء وعك كتييييير اوي كده

🔴 ولا البلاغات اللي كانت علي ودنه علي لايف الغلبانه نوسه زمايكا وحظرها بالايام علشان ما تطلعش تبوظ كذبهم

🔴 ومش هقول علي اللي بيدخلوا اللايف بتاعها متخفيين علشان ينقلوا كل اللي بتقوله ويحطوا عليه التاتش بتاعهم

🔴 ولا تلقيح الصحافه المصديه علي لايفات الشيخة نوسه علي العلم ان الشيخة نوسه كانت في يوم من الايام السبب في ظهور إسم مثل هذه الصحافه ظننا منها انها صاحبه قلم يحترم مهنته

🔴 وغيره وغيره وغيره بس للاسف وقت الحلقه خلص لكن كلامنا لسه مخلصش وياما في الجراب يا حاااااااوي
ولنا في الحديث بقيه😉