تحدي جديد ل احمد خالد صالح وتحت الوصايا

كتب/احمد ماهر

من الادوار اللي كانت ملفتة السنة دي كان احمد خالد صالح ، الحقيقة اني حسيت ان احمد اشتغل علي نفسه عشان يوصل لتفاصيل شخصية’ استاذ زكريا ‘في مسلسل تحت الوصاية .. احمد اشتغل علي نفسه جسديا من جسم لدقن و حلقة الشعر ، لتفاصيل نفسيه زي انه يبقي شبه الشخصية بالظبط المدرس ابن البلد الجدع ، اللي منغلق فكريا شوية و متشدد في اول المسلسل و بعدين لما يعرف جيرانه بتكتشف قد اية هو جدع معاهم و مبقاش خايف منهم اكمنها ست لوحدها ، لما عرف ظروفها شهامة ابن البلد طلعت عشان يساعد ..

تفاصيل شخصية زكريا مش سهلة ، مش سهل ان حد يتقمص شخصية حد تاني ، خاصة و اني عندي اقتناع انه اكيد اتعرف علي حد بظروفه و قرر يقلده ..

احمد خالد صالح فنان شاب موهوب كانت بداية في مسلسل ٣٠ يوم و المسلسل دة كان كفيل يجيب لاي حد انهيار عصبي .. و عمل اول مسلسل مع مجموعة من الشباب كان ‘ زودياك ‘ كان غريب شوية وقتها بس كان حلو ..

وبعدين زادت التفاصيل و شوفنا سوا في كل يوم جمعة ، نمرة ٢ ، الانسة فرح ، انصاف مجانين ، بس دوره كا شيخ في الفتوه كان حلو اوي اوي ..

و عشان كدة حسيت هو ازاي عمل مجهود بشخصية استاذ زكريا في تحت الوصاية .. لان الادوار الهادية اللينه بتبقي عايزة مجهود عشان تدخل فيها ..

اية رأيكم في شخصية احمد خالد صالح في تحت الوصاية؟ و عجبكم دور استاذ زكريا ؟