خليل إبراهيم جيهان ومصير سيناريو التذكره الاخيره

صباح الخير والسعادة دكتوره امل جمعه مباركه عليكم وعلينا أن شاء الله

⁉️ دكتوره انا شوفت السوال واجابتك عليه وبصراحه اجابتك قلقتني وحسيت ان فيلم خليل ممكن مينجحش خصوصا لما اتكلمتي علي نقطه السيناريو وكل المتابعين للاعمال التركيه عارفين السيناريوهات اللي بتتقدم ايه من وجهت نظرك السيناريو يكون ناجح ازاي علشان فيلم خليل ينجح يعني تخيلك لسيناريو ناجح ايه؟ وشكرا دكتوره

📝 صباح النور شكرا علي سؤالك

♦️ الاول من وجهت نظري البدايه من المعالجه السينمائية بمعني معالجه دراميه للموضوع نفسه في ثلاث نقاط بدايه ووسط ونهايه

♦️البدايه / العمل هيبدأ ازاي بأيه؟

فيه حاجة اسمها First image ال (الإنطباع الأول) اول فيريم في العمل هيشوفه الجمهور ايه؟ لانه مؤثر جدا بالنسبه للمشاهد ببعرف منه هو رايح فين؟ في مدارس بتحب تشرح او تعرف الشخصيات في الاول علشان يبتدوا بعد كده الشخصيات دي تحرك الدرما او العمل لكن انا من وجهت نظري ان في الاطار المجتمعي اللي حاصل دلوقتي بقي تعريف الشخصيات يفضل يكون موجود داخل حدث لان الجمهور خلاص مبقاش ايقاعه زي الاول مبقاس يقدر يتفرج علي فيلم تلات او اربع ساعات ولسه هتقول ده فلان واتولد وفي الحته الفلانيه وكان بيحب كذا وبيكره كذا فكل ده ممكن نعرفه في الفصل الأول من القصه لكن أثناء الاحداث وانا من مشجعي جدااا طريقه العمل بالمدرسه دي لان اساس اي عمل هو المشاهد الواعي اللي داخل يتفرج علي العمل وقصته دايما بيسأل العمل الدرامي ثلاث اسئله

1/ انت بتحكيلي ايه؟
2/ بتحكيهولي ليه؟
3/بتحكيهولي ازاي؟

♦️فالسيناريو ومعالجته هما اهم حاجه في العمل هما خطه العمل نفسها

انا لخصتلكم الفكرة في 3 سطور هما أساس أي خطة سيناريو ناجح لو صناع العمل ملخصوش العمل اللي بيقوموا بيه في الثلاث محاور دول يبقى اكيد صناع العمل عندهم مشكله في فكره العمل نفسها ومحتاجين يشتغلوا على فكرتهم أكثر.

♦️كمان مهم جدا ان الممثل يرسم الشخصية لأي دور هيلعبه لأنه بيأثر على تفاعل الجمهور ودي نقطه مهمه جدا لو عاوزيني أتكلم عليها في مقال لوحده قولولي .

♦️كمان نهاية الفيلم هي أهم حاجة لأنها بتسيب الانطباع الأخير عند المشاهد.