مسلسل ١٠٠٠ سلامه

كتب /احمد ماهر

بعد العيد قررت اجمع كام حاجة كدة كانت واقعة مني في رمضان و الحقيقة اني لفت انتباهي ٢ وجوه جديدة علي الدراما المصرية اول وجه هو ‘ عنبه ‘ ..

لو متعرفش عنبه فا هو مغني مهرجانات و بيقدم توع معين من الاغاني ، ابن بلد و جدع و تحس دايما بالحماس مع الاغاني بتاعته كدة ، الفكرة ان عنبة كان قايم بدور تمثيل قريب من شخصيته و قريب من القلب ، الشاب الجدع و الصديق الخقيقي ، الشاب المكافح الطموح ، مش بيشرب و بيتعاطي ولا بلطجي ، حتي البنت الاجنبية اللي قابلها محاولش يقرب ليها بسوء بلعكس عاملها كأنها اخته ..

انا متفهم ان دة سيناريو مكتوب بس بردو دي شخصية كانت كانها مكتوبة عليه ، هو عنده قبول علي الشاشة، و عنده خفة دم طبيعية غير مفتعلة ، فا حقيقي هو موهبة مقبولة جدا في التمثيل و ممكن ياخد ادوار اكتر ..

الموهبة الثانية بردو هو احمد عبدالوهاب ، مؤلف شاطر ، لو متعرفش فا هو مؤلف مسرح مصر ، اللوكاندة ، فيلم زي الدعوة عامة و اخيرا و الطفهم و اللي كلنا اتعلقنا بيهم ‘ البيت بيتي بينو و كراكيري ‘ ..

بس تخيل معايا ان هو كمان مش مؤلف شاطر بس لا دة كمان ممثل شاطر ، عنده سلاسة في الاداء ،يعني بردو نقلي شعور ان هو مش بيمثل ان دي شخصيته الحقيقة ..

لو اتفرجت علي مسلسل ١٠٠٠ سلامة او شوفت ليهم مقاطع علي إنترنت اية رأيك في تمثيلهم و اداءهم ؟