فاكرين كابتن ملواني في راجل و ست ستات ٢٠٠٩؟ طيب حاولوا تفتكروا معايا مسلسل حاميها حراميها كدة ، طيب اقربلكم شوية ‘ الشيخ صابر ‘ في واحة الغروب ٢٠١٧ ،انا بفكركم بقي بكل دة لية ؟ عشان اعرفكم ان الرجل دة جايبها من تحت اوي اوي ، لا كان عنده واسطة ولا معارف و سبحان العاطي الوهاب بفضل اجتهاد الراجل دة و صبره و موهبته اثبت نفسه ..
الرجل دة موهوب حقيقي انا شايفة انه بدء يملا ادوار كتير اوي كنا افتقدناها من بعد رحيل حسن حسني ، غير ان ادوار الشر متقنه و عنده جبروت فيها يعجبك ، يعني مثلا دوره في حرب اهلية مع يسرا و شخصية عزيز اللي ربت جميلة عوض ..
و دوره في كيرة و الجن ، طارق باشا في توبة ، و الاب الحنين مع سهر الصايغ في قصة بيت العز ضمن مسلسل الا انا ..
و يهدي رشدي الشامي و نهدي معاه و بعدين ننزل سوا بالقاضية في ازمة منتصف العمر و يكرهنا فيه و يحسسنا اننا عايزين نضربة بالالم علي وشه ..
و سبحان الله من شخصية عزت اللي كلها جبروت ل ‘ عم ربيع في تحت الوصاية ‘ عم ربيع الراجل الجدع الطيب ، اللي الزمن تعبه و جيه عليه و لو بتتفرج علي الصندوق فا هتشوف عم مختار الفقير اللي بلا مأوي ” شحات ”
الحقيقة البوست دة حقيقي تقدير مني للموهبة الرائعة دي ..
