“عودة إلى قصة خالد وسيفيدا: بين التهديدات والانشغالات، واللعب على وتر الجمهور!”

كتبت د/امل عبد العزيز
صاحبه القلم السعيد

بعد فترة انقطاع طويلة عن الكتابة حول قصة خالد وسيفيدا، أعود اليوم لأشارككم تطورات القصة وما يجري خلف الكواليس. انقطعت عن الكتابة ليس بسبب التهديدات التي تلقيتها بعدم استكمال القصة تؤتؤ بل لأنني انشغلت بالظهور في البرامج ومقابلات الصحافه وعملي الأساسي، واهتماماتي العائلية، بالإضافة إلى أن تصرفات خالد وسيفيدا أصبحت باهتة وغير ممتعة بالنسبة لي. لكن عدت الآن لأكمل معكم الحكاية بكل تفاصيلها لأن هناك الكثير من اللي حصل واللي جري واللي اكيد عاوز ينقرأ😅 جاهزه ياحاجه منك ليها مستعدين؟ لنبدأ!

♦️طبعا كلنا عارفين ان خالد وسيفيدا بيشتغلوا في نفس المجال وبرضو عارفين ان كل واحد فيهم لي طريقته في الشغل عكس التاني وحتي لو يشبهوا بعض في التصرفات ففي واحد فيهم ملوش سقف في طريقه الشغل والاعلان عنه حتي لو اتطلب منه ايه بيعمله عكس التاني خالص خالد بيحاول يمشي قواعد اللعبه بما يتوافق ويتماشي مع اللي مقتنع بيه واللي يقدر يعمله بيعمل اه بس مش زي سيفيدا واختلفنا او اتفقنا كلنا عارفين وفاهمين وشايفين كمان كده كويس اوي لحد هنا حلو؟ حلو

♦️سيفيدا بقالها فتره بتصدر للفانز فكره وهميه وهي انها عايشه اجمل قصه حب في تاريخ الكوكب المجري وللاسف الاكتر مصدق وماشي وراها وبيشيرلها كمان تمام قولنا نسيب كل واحد بدماغه اللي عاوز يشتري الكذب ببلاش يشتري

♦️كنا قولنا من سنه تقريبا ان في عمل هيجمع بين سيفيدا وخالد واياميها قامت الدنيا ومقعدتش وكله هاجمنا واللي كذبنا واتعمل علينا حفلات في بوستات وكانت ليله😅

♦️امبارح مسيلمه الكداب شير نفسسسس الخبر عنده هوووب الدنيا قامت وماقعدتش طبل وزغاريط ورقص وليله وعلي طول صدقوا الخبر واتشير في كل حته

♦️في نفس اليوم ظهر الحاج خالد في فيديو وهو سايب سبحته في البيت وال ايه الصحافه التركيه المأجوره ال ايه لقطتوا وهو مع واحده في العربيه فهو عمل نفسه اتخض وغطي وشه من الكاميرا

♦️الدنيا قامت والانبوكس انفجرررر رسايل تساؤلات واندهاشات خدوا عندكم

📍اللي تقولي خالد ظهر مع واحده يعني خلاص كده قصتهم انتهت😰

📍واللي تقولي اهو خالد اللي انتوا مفكرينوا شيخ جامع وبتمجدوا في

📍واللي بعتالي رساله مع واحده تانيه وبتقولها وصلي دي للدكتوره تقريبا خايفه اعضها 😅 بتقول فيها
مساء الخير ممكن توصلي للدكتوره انه لا عاد تعلق جمهور على فاضي خلاص خليل طلع مع وحده و سيلا مع غيره اليسلهال انتهى وصلي هذا الكلام لها الى متى تعلق جمهور في شي قد انتهى؟ وغيره وغيره

📍طيب سؤال بس يابنات انا عمري علقتكم بوهم؟ عمري شيرت خبر وطلع غلط؟ قولت مثلا في يوم انكم تطبلوا لفلانه او لعلان حتي لو تصرفاته ضد مبادئكم بحجه ان اللي يحب شخص يدعمه في الصح والغلط؟ ليل ونهار صفحتي بتشير اخبار خالد وسيفيدا بس؟ ولا صفحه متنوعه للاخبار اللي تستاهل الشير ودعم النجوم الموهوبين والاشاده بنجاحاتهم وحتي لو حد غلط بنعرض ده بطريقه راقيه متزعلش جمهوره المتابع مننا؟

❤️ هستني ردكم في التعليقات لانه يهمني

📍نرجع لموضوعنا والنقطة الاساسيه والسبب اللي نزل علشانه الفيديو بتاع خالد امبارح

دلوقتي العمل اللي بين خالد وسيفيدا قرب وده طبعا هيعمل ضجه كبيره خصوصا ان ده حلم الفانز من سنين وسبب تاخير اخد القرار في العمل المشترك بينهم هو الفانز برضو ليه اقولكم ليه

📍 الفانز راسه والف سيف يربطهم مع بعض رغم كل محاولات خالد وسيفيدا المستميته انهم يقنعوكم انهم مش مع بعض انما الفانز دماغه حجر صوان رابطهم برضو وماسك في فيديوهات مسلسل الاهانه وبيشيروا فيديوهاتهم للمسلسل ده اكتر من أعمالهم الحاليه

♦️فيعملوا ايه الخطه كالتالي

📍سيفيدا لما ظهرت مع بتاع العيش محدش صدق اوي وماكانتش الضجه كبيره وتخض زي ظهورها مع ابو لبه فالظهور معملش الدعايه اللي كانوا متوقعنها

📍في نفس الوقت العمل اللي بين خالد وسيفيدا حمض بقاله كتير وعاوزين يبدؤا في بس بشرط

♦️اول حاجه ان الفانز يكون متاكد مليون الميه ان مفيش حاجه بين خالد وسيفيدا وبكده الفانز ميربطهومش مع بعض زي ما حصل في مسلسل الاهانه

♦️تاني حاجه كل واحد يبقي ليه الجمهور الخاص بتاعه فبكده يقدر كل واحد فيهم يثبت نجاحه في العمل من غير ما يحصل خلافات وحوارات من الفانز وخصوصا الفانز العربي وفئه من الفانز التركي ويتقال سيفيدا هي اللي شايله المسلسل او العكس ان خالد هو اللي شايل المسلسل والباقي ملوش لازمه زي ما حصل وبيتقال في مسلسل سيفيدا اللي بيتعرض دلوقتي بيفخموا جدااا في سيفيدا وبيلغوا مجهود باقي فريق العمل وده اكبر غلط وجه علي سيفيدا بالسلب مع زمايلها وخلي سيفيدا نفسها متلتفتش للمجموعه دي من الجمهور وتم تجاهلهم

📍فلما حركات سيفيدا مع بتاع العيش منفعتش اتجهوا لخالد وقالوله لااااااازم تعمل انت كمان حركه علشان الفانز يصدق لانك انت اللي هتعمل الضجه والبومبه اللي احنا عاوزنها لانك هتبقي مفاجاه للفانز كله خصوصا انك هتعمل حاجه غير المتوقع واقنعوه ونزل فيديو امبارح

📍نيجي بقي للمهم اولا سيفيدا لحد الان مقالتش انها عايشه قصه حب مع بتاع العيش كله كلام عايم زي ايام ابو لبه بالضبط

📍اما خالد فهيسيب الفيديو يعمل ضجه كبيره واثاره الجدل المطلوبه وشويه هيطلع يقولك احنا أصدقاء انا مش مسؤل عن ما تكتبه او تصوره الصحافه😁😁😁😁

♦️بين ده وده وكل العك ده بيحصل والفانز منتبه ومترقب لخالد وسيفيدا وبيسال ياتري ده حقيقه او خيال وبرضو في فانز هيكون خلاص امن وسلم بعذم وجود علاقه تجمع بينهم في الوقت ده بالذات الوقت الغير متوقع هيظهروا ويعلنوا عن العمل الجديد فالجمهور ينسي كل اللي فات وينشغل بالعمل الجديد وفرحته ان سيفيدا وخالد هيتجمعوا وانهم شافوهم مع بعض في لقاء او اي كان الطريقه اللي هيظهروا بيها او هبعلنوا بيها الخبر وبكده يكون عملوا ترويج مظبوط محكم للعمل الجديد وحققوا كل الشروط اللي هما كانوا حاطينها عن طريق اللعب بالجمهور بطريقه البلاك ماركتنج ومش بعيد وده تخمين مني انهم شويه بعد عرض كام حلقه من العمل الجديد وعلشان يستمر والريت يعلي يطلع اي حد يقول خالد وسيفيدا في بينهم علاقه حب 😅 فهمتوا بقي يا حلوين ادي الحكايه من طقطق لسلامو عليكوووووووا 🏃🏃🏃🏃

تنبيه هام / ملحوظة : هذه الاحداث من وحي خيال المؤلف وأي تشابه في الأحداث أو الشخصيات أو الأسماء هو من قبيل الصدفة لا أكثر 😜 وحياة ابوكوا مش طالبة مشاكل خاااااااااااالص