الحلقه التاسعه من قصه خالد وسيفيدا

كتبت د /أمل عبد العزيز
صاحبه القلم السعيد

🔴تعالوا بقي اقولكم علي اللي كلكم هتموتوا وتعرفوا تعالوا تعالي يابت انتي وهي تعالوا جراب كيداهم مليان النهارده خشوا برجلكم الييمين يا مذغوده انتي وهي واربطوا الاحزمه واستعدوا للانطلاق

🔴طبعا شهر العسل خلص ومرحله الهئ والمئ والطبله والرق وبدأنا بقي في ممارسه الحياه الزوجيه ومشاكلها وبدأت تظهر اختلاف وجهات النظر وخالد بيحب ايه وسيفيدا مش بتحب ايه وبدأت مرحله التصادم المعرفي الحقيقي اللي نشأ من الاحتكاك اليومي ومشاركه الزوجين الأمور الحياتية من بيت واحد
هتكلم النهارده في المجمل كده ومحدش يسألني عن حاجه غير كده لان ده اللي سامحه بيه الرقابه وخدين بالكم انتم الرقاااااابه اي حاجه تانيه هتلاقوني بقولكم انهين منين فين ايه لا اه طيب

🔴خلينا متفقين أن اللي انتوا شفتوه من مشاعر والحب اللي مولع في الدره في المسلسل ده مش حقيقي في حياه الزوجين خااااااالص مالص ببساطه الزوجين من كتر ما اتصدموا في الحياه العمليه والنفوس المريضه واتحاربوا من جبهات كتير والقيل والقال بقول عمليين اكتر وفهم ا انهم في سباق يا تلحق يا متلومش الا نفسك

حقيقه إذا كان خالد أو سيفيدا الاتنين عصبيين جداااااااا لدرجه لا توصف جزء منه تكوين شخصي بالفطره يعني وجزء تاني اكتسبوها من اللي شافوه من الحياه العمليه مره سيفيدا تطلع الحنونه خالد يهدي قدامها ويهدي والعكس بس علشان اكون صريح اللي تصرفاته مش محسوبه وبينفعل اكترومش بيشوف قدامه هو خالد سيفيدا اهدي سيكه بتلاقيها بتفكر ورايقه كده بس مش دايما يعني لكن مقارنه بخالد لا سيفيدا تكسب طبعا

🔴يعني مثلا مره حصلت مشكله وكانت تحديدا في رمضان وكانت بسبب دخول أطراف عمل في علاقتهم الشخصيه سيفيدا كانت مصممه انهم يعلنوا علاقتهم وجوازهم ويدعمها بعد خروجها من المسلسل لكن الظروف ما ساعدتهمش للاسف وده بسبب الإنتاج زي ما قولت في حلقات سابقه لما عرفوا بجوازهم اتشالوا واتهبدوا وكان لو بأديهم يطلقوهم كانوا طلقوهم ليييييه لان كان في بطله جديده هتحل محل سيفيدا فمينفعش خالد يعلن علاقته في الوقت ده بالبطله القديمه ده هيبوظ شغلهم

🔴غير كده بقي العكس والكلام الكتير اللي كان بيدور في كواليس المسلسل ويوصل عمدا لسيفيدا علشان علاقتها تبوظ بخالد وينفصل ا وطبعا كان كله كذب يعني مثلا خالد كان مش طايق العمل ككل ونفسيا كان مجبر يشتغل أولا لأن مجلوش عمل تاني زي سيفيدا وثانيا علشان الأسباب اللي ذكرتها برضو في الحلقات السابقه ومنها تنازال الإنتاج علي الدعوي المقدمه ضد سيفيدا المهم فكان يوصل لسيفيدا أن خالد في الكواليس بيهزر ويضحك وبيعلم البطله الجديده اللغه التركيه وبيهتم بيها و. و وووو

🔴 طبعا سيفيدا تحزن وتسأل خالد وخالد يقول الحقيقه أنه قاعد في برفان لوحده طول الوقت وحتي لما بيدخل عليه حد بيبقي الطفل الصغير اللي في المسلسل معاهم بس غير كده مفيش

🔴وده فعلا كان حقيقي وخدوا بقي من ده كتيييير فالعلاقه الايام دي كانت دائما فيها توتر وحزن خالد نفسيا مضغوط من كل اتجاه من العمل والكاست والبطله الجديدة التي لاتفقه شي في التمثيل وبتعيد اكتر من سبعين مره وبين إنه دايما في موضع اتهام ودفاع مستمر علي نفسه للاكاذيب اللي بتوصل لسيفيدا اللي بتخلقها الانتاج

🔴الاتنين حرفيا نفسيا كانوا مدمرين والاتنين كل واحد فيهم مستني التاني يدعمه ويقويه بس للاسف التاني واقع هو كمان وعاوز حد يمد أيده يساعده 😔

🔴في الأوقات دي سيفيدا كانت دايما مش عاوزه حد يفرح فيها كانت بتخرج وتسهر وتضحك مع اصدقائها علشان تخلي الناس انها مبسوطه وهي من جوه منهاره تمام الانهيار

🔴انما خالد كان باين عليه جدااااا وطبعا مش بالذكاء الاجتماعي اللي بتملكه سيفيدا علشان يقدر يخبئ ودي برضو تاني نقطه سيفيدا بتتفوق علي خالد فيها

🔴ولما سيفيدا حست ان الاتنين بقوا ضغط علي بعض وممكن يخسروا بعض طلبت من خالد انها تروح تقعد عن أهلها كنوع من التغير وبرضو تبعد عن أي مصدر لمعلومات ممكن تضغط عليها بصراحه خالد وافق علي طول ما حاولش يمنعها لانه هو كمان كان حاسس بالعجز أنه مش قادر لا يساعد نفسه ولا يحتويها لأن الضغط والهجوم عليه كان فوق احتمال اي بشر بس طلب منها أنها تطمنه دايما وتسمحله انه يجي يزورها بين فتره والتانيه وده بعد الاتصال والتأكد انها نفسيا مستعده لده

🔴ووافقت سيفيدا علي طول وكأنها بقوله أنا مش راحه زعلانه انا راحه علشان ارجع كويسه واقدر اكمل وفعلا حصل اللي سيفيدا طلبته لحد ما في يوم كان في هجوووم شديد جدا علي خالد بسبب سير احداث القصه وان الشخصيه اللي بيقوم بتجسيدها خالد في المسلسل بدأت يتأثر بالخادمه اخت قاتل زوجته واخوه وسبب في فقدان ابن أخيه ابوه وامه وخالته وبدأ ينسي زوجته السابقه هجووووم رهيب وده برضو ذات الطينه بله علي دماغ خالد

🔴لدرجه انه كان بيصور مشهد علي الحصان وضغطه ارتفع وداخ ووقع من علي الحصان أثناء تصوير المشهد طبعا الخبر انتشر بسرعه الصاروخ والإنتاج العره عمل اللي عليه في التكذيب وان خالد بخير وعرضوا مشهد لخالد وهو علي الحصان قبل وقوعه وقالوا بصوا خالد زي الفل اهو بصوا مفيش حاجه لا وقع ولا حاجه إثبات للجمهور أن كل اللي انتشر كذب

🔴 أثناء ماكان الانتاج العره مشغول بده كله وتغطيه الخبر بالكذب كان يوم التصوير ده اتلغي لانه كان كله مشاهد هتتصور لخالد ولما حصل اللي حصل ماقدرش يكمل واتنقل البيت بعد ما ضغطه اتعدل شويه سيفيدا اتصلت مردش و صديقه الصدوق ساعتها هو اللي رد وطمنها وقالها متقلقش هو الضغط علي شويه بس وهو نائم ومرضاش يقولها أنه وقع من علي الحصان

🔴في اليوم ده كان المفروض خالد هيخلص تصوير ويروح يفطر مع سيفيدا ويشوفها ولما قام طلب من صاحبه انه يوصله لانه مش هيقدر يسوق فصديقه قاله بلاش النهارده كده كده مش هتلحق الفطار لكن خالد صمم وراحوا لسيفيدا طبعا سيفيدا قرده شافت وش خالد وأنه الماشيه مش هي فهمت الليله واعترفوا هو وصديقه من اول قلم باللي حصل كله
صديقه بيقول اول مره اشوف خالد منهار في البكاء كانه طفل صغير وفقد السيطره علي تسكيت نفسه وسفيدا شرحه بقيت واقف مش عارف اعمل ايه سيبتهم في الجنينه وطلعت عن أهل سيقيدا اقعد معاهم لحد ماا يخلصوا وصلت الدموع المنهمره
اللي فقدتني السيطره علي دموعي انا كمان

🔴المهم شويه وكان الساعه حوالي ما تقارب ال٢ونص لقياهم داخلين عليا الاتنين وبيقولولي يابا يا فالح انت اللي هتسوق
هي ق نروح علي فين هو احنا مش هنبات سيفيدا قالتله لا هتبات عندنا النهارده قووووم ورحت قاايم مجبر أخاك لا بطل على جوز المجانين اللي ربنا رزقني بصحبتهم دول
ورجعوا قبل العيد باسبوع البيت واالامور اتصلحت للاحسن اووووي

طبعا هتموتوا وتعرفوا اتصلحت للحسن يعني ايه اقولكم نتقابل في الحلقه الجايه
ولسه ياما في الجراب ياكيداهم