مسلسل المداح أسطورة العشق بعد نهاية
على رغم انه اقل موسم مسلسل مازال من مسلسلاتى المفضله ومن ضمن افضل المسلسلات السنة كان هيبقى هايل لو 15 حلقة فقط
– قصة والفكره أقوى من السيناريو والحوار ضعيف حسيت انا المؤلفين عندهم افكار كتير وجديده لكن تايهين وسط الحاجات الكتير مش لقيين خط يجمع قوي
كان فى مط كتير اوي (خناقات صابر ورحاب / حوار حمزة و الحاج سليم) وفي حاجات اتكروتت مشوفنهاش مثلا اي اللى حصل مع منال والعمل او رحاب بقيت طبيعة اقتنعت ان ده ابنها)
،وعشان كده كنت اتمنى نبدأ الحل قبل حلقتين وناخد وقتنا مع كل مشكله ومش لازم كلها فى مشهد صامت
– عناصر الشر/ رغم انهم المفروض اقوي محستش ب ده لاختيار ممثلين غلط
– كمان السلبية اللى اغلب الشخصيات فبها بما فيهم صابر
الحاجات الحلوه / طبعا ان المسلسل بيلعب في حته مختلفه ومازلت قادرة أصدق وقادر يحافظ على شعره بين الحقيقة والخيال
اختيار أماكن التصوير واختلافها اهمها بنسبة لي سانت كاترين وكان نفسي نطول
ظهور عناصر ورموز جديده و نكتر منه (الشجرة وكتاب) (قرأت الفنجان) دخول الجن المسلم
فى كيماء وتناغم بين الابطال تحسهم عيله فعلا
الأداء التمثيلى/ حماده_هلال ممثل مش مطرب وشاطر جدا كمان مشهد زى القرين من نظره قادر تفرق الخير عن الشر ده يدل هو شاطر ازاى و غالبا محتاج بوست
هبة_مجدى تفوقت على نفسه خصوصا اخر حلقات قادره تعمل تحولات وتناقضات فى المشهد الواحد و تقنعك بيهم كلهم و أهم حاجه انها استغنت عن الميك وشعر اتلم وقدرت توصلنى المره دى فى وقت انى اكون مستفزه منها و اتعاطف معها
رانيا_فريد_شوقي جامد جدا بهدوئها تقنعك بكون عارفه انه خطة بتضحك على شخص ده ومع ذلك بقتنع جدا انها صح ومش كده و بتفكرنى ب أشرار حياتى
سلمي_ابوضيف عامله دور حلو و بتثبيت انه شاطره خصوصا فى البدايه كانت الاقوى
دنيا_عبدالعزيز اشطر فى شر وتحت تأثير السحر #حنان_سليمان رمانة ميزان المسلسل مع كل شخصيات
محمد_رياض عامل دور مقنع بهدوء وثقه
خالد_سرحان فاكهة المسلسل و هلا_السعيد مس هتكلم عن شطارتها
.خالد_ذكى عبدالعزيز_مخيون لو طالعين من غير حاجه هيكونوا جامدين اضافه مميزه للمسلسل وليهم تقلهم
فى النهاية حسيت ان الجزء ده هو مجرد تمهيد ل جزء رابع مش اكتر
